Helstu atriðið varðandi hitastig ágústmánaðar á heimsvísu
- Sameinað hitastig fyrir bæði land og haf fyrir ágúst 2010 var það þriðja heitasta samkvæmt skráningum, með hitafráviki upp á 0,60°C yfir meðalhitastigi 20. aldarinnar (16,2°C).
- Hitastig á landi á heimsvísu fyrir ágústmánuð 2010 var það næst heitasta samkvæmt skráningum, með hitafrávik upp á 0,90°C yfir meðaltali 20. aldar (13,8°C).
- Hitastig við yfirborð sjávar var það 6. heitasta samkvæmt skráningum, með hitafrávik upp á 0,50°C yfir meðaltali 20. aldar (16,4°C).
- Sameinað hitastig fyrir bæði land og haf fyrir tímabilið júní-ágúst 2010 var það næst heitasta samkvæmt skráningum, með hitafráviki upp á 0,64°C yfir meðalhitastigi 20. aldarinnar (15,6°C), aðeins árið 1998 hefur verið heitara fyrir það tímabil.
- Hitastig á landi á heimsvísu fyrir tímabilið júní til ágúst 2010 var það heitasta fyrir tímabilið samkvæmt skráningum, með hitafrávik upp á 1,00°C yfir meðaltali 20. aldar (13,8°C), sem er aðeins heitara en 1998 sem er númer 2 núna.
- Hitastig við yfirborð sjávar fyrir júní-ágúst var það 5. heitasta samkvæmt skráningum, með hitafrávik fyrir tímabilið upp á 0,51°C yfir meðaltali 20. aldar (16,4°C).
- Fyrir tímabilið janúar til ágúst 2010 þá var sameinað hitastig fyrir bæði land og haf jafnheitt og 1998, og þar með jafn sem það heitasta samkvæmt skráningum, með hitafráviki fyrir tímabilið upp á 0,67°C yfir meðalhitastigi 20. aldarinnar (14,7°C).
Ágúst 2010
Helstu atriði sýnd á myndum og gröfum, bæði fyrir mánuðinn ágúst og tímabilið janúar – ágúst.
Í töflunni hér fyrir neðan má lesa helstu tölur varðandi hitastigsfrávikin fyrir ágústmánuð 2010.
| Ágúst | Frávik | Röð (af 131 ári) |
Heitasti/næst heitasti ágúst samkv. skrám |
|---|---|---|---|
| Á heimsvísu | |||
| Land | +0,90°C | 2. Heitasti | 1998(+0,95°C) |
| Haf | +0,50°C | 6. heitasti | 2009 (+0,57°C) |
| Land og haf | +0,60°C | 3. Heitasti | 1998 (+0,67°C) |
| Norðuhvel jarðar | |||
| Land | +1,15°C | Heitasti | 1998 (+0,96°C) |
| Haf | +0,59°C | 4. heitasti | 2005 (+0,64°C) |
| Land og Haf | +0,79°C | Heitasti | 2003 (+0,72°C) |
| Suðurhvel jarðar | |||
| Land | +0,28°C | 22. heitasti | 2009 (+1,31°C) |
| Haf | +0,43°C | 9. heitasti | 1998 (+0,57°C) |
| Land og Haf | +0,40°C | 11. heitasti | 2009 (+0,65°C) |
Og nú að hitafrávikunum fyrir tímabilið janúar til ágúst 2010:
| Janúar- Ágúst | Frávik | Röð (af 131 árí) |
Heitasta/næst heitasta tímabilið |
|---|---|---|---|
| Á heimsvísu | |||
| Land | +1,04°C | Heitasta | 2007 (+1,02°C) |
| Haf | +0,53°C | 2. heitasta | 1998 (+0,56°C) |
| Land og Haf | +0,67°C | Heitasta | 2002 (+0,62°C) |
Í grafinu hér undir má sjá þessi gögn í öðru ljósi:
Og svo hitafrávikin fyrir tímabilið janúar – ágúst eftir árum.
Samkvæmt tölum frá NASA er tímabilið janúar til ágúst einnig það heitasta frá því mælingar hófust, sjá hér samanburð NASA á milli þriggja heitustu áranna fyrir tímabilið janúar til ágúst.
Eins og sést hefur hitastigið það sem af er árinu verið í hæstu hæðum, sjá einnig Heitustu 12 mánuðir síðan mælingar hófust.
sending...
Húrra, þá hættir kannski að vera svona djöfulli kalt hérna 😀
Þetta er eitt sjónarmið Ari, en heimurinn er stærri en litla Ísland og afleiðingar af hærra hitastigi eins og t.d. hækkun sjávarborðs hafa engin sérstök landamæri, þó svo að það geti komið misjafnlega við landssvæði í heiminum. Þetta er fyrir utan súrnun sjávar sem er önnur afleiðing aukins styrks CO2 í andrúmsloftinu.