Að gamni birtum við hér myndband sem er í raun opið bréf til Christopher Moncktons, sem Peter Hadfield (Potholer54) birti í gær á youtube síðu sinni. Monckton lenti þar í rökræðum við ofjarl sinn og hefur ekki haft getu eða þor til að rökræða við hadfield um loftslagsmál.
.
Tengt efni á loftslag.is
Christopher Monckton hefur haldið mörgu fram um loftslagsfræðin og fátt af því hefur staðist nánari skoðun. Við höfum skrifað aðeins um hans þátt í afneitun vísindarannsókna á loftslagi. En hvers vegna er þessi áhugi á honum? Jú, kannski vegna þess að hann virðist vera öfgakennt dæmi þeirra sem hafa sett sjálfa sig í hóp sjálfskipaðra “efasemdarmanna” sem fullyrða út og suður um fræðin án þess, að því er virðist, að frekari gagnrýn hugsun búi að baki.
Núna hefur Potholer54 tekið Monckton fyrir á fróðlegan hátt, þar sem hann setur að hluta til röksemdir Moncktons upp á móti röksemdum Moncktons sjálfs, skemmtileg flétta. En sjón er sögu ríkari, gjörið svo vel:
Tengt efni á loftslag.is:
Þeir sem fylgst hafa eitthvað með umræðum um loftslagsbreytingar kannast eflaust við Monckton “Lávarð“, en við höfum minnst á hann hérna áður. Ósjaldan vísa “efasemdamenn” um hnattræna hlýnun í myndbönd eða greinar þar sem Monckton kemur við sögu – en útúrsnúningar og bjaganir á vísindarannsóknum virðast vera hans sérgrein. Allavega hefur hann engar loftslagsrannsóknir sem styðja gífuryrði sín. Þrátt fyrir það er hann fenginn til að halda fyrirlestra og til ráðgjafar um loftslagsmál víða um heim. Það er ráðgáta hvers vegna.
Nú hafa snillingarnir á Skeptical Science tekið saman gagnagrunn þar sem farið er yfir algengustu rök Moncktons og þau brotin niður til mergjar og leiðrétt. Smellið á myndinni hér fyrir neðan til að skoða mýtur Moncktons og rök gegn þeim:
Að auki er rétt að minnast á að nú nýverið var á BBC heimildamynd um “efasemdamenn” um hnattræna hlýnun, þar sem skyggnst var á bak við tjöldin. Svo skemmtilega vill til að Monckton kemur eitthvað við sögu í þessari heimildamynd og reyndi hann að fá heimildamyndina bannaða – en svo virðist sem efasemdamenn um hnattræna hlýnun séu frekar hrifnir af ritskoðun, eins og fjölmörg dæmi sanna. Heimildamyndin heitir samkvæmt áreiðanlegum heimildum Meet the Climate Skeptics, en erfitt hefur reynst að komast að eintaki sem hægt er að horfa á hér á Íslandi*. Hér fyrir neðan má þó allavega nálgast sýnishorn úr heimildarmyndinni, smelltu á myndina til að skoða sýnishornið:
*Ef einhver kemst að tengli þar sem hægt er að horfa á téð myndband, þá endilega látið vita – annað hvort í athugasemdum eða á loftslag@loftslag.is
Tengt efni á loftslag.is
Meðal þeirra fullyrðinga sem heyrast er sú að þróun hitastigs sé lægra en spár hafi gert ráð fyrir. Sá sem er hvað frægastur fyrir svona fullyrðingar er Lord Monckton, en á grafi sem hann hefur gert er sýnd þróun hitastigs samanborið við spár IPCC, og lítur grafið einhvern vegin út, eins og myndin hér við hliðina sýnir.
Að undanförnu hafa margir skoðað nálgun Monckton við loftslagsvísindin og það virðist ekki vera margt sem stenst nánari skoðun hjá honum, sjá m.a. efni af loftlsag.is, í tenglunum hér í lok færslunnar.
Heimasíða sem nýlega hóf göngu sína og nefnist Fool Me Once hefur einmitt tekið fullyrðingar eins og þessar sem Monckton hefur verið iðinn við að setja fram og skoðað þær nánar. Í nýjustu færslunni, fer Alden Griffith yfir þá fullyrðingu Moncktons, að þróun hitastigs sé lægra en spár gera ráð fyrir. Það þarf nú varla að taka það fram að (venju samkvæmt, liggur mér við að segja) þá hefur Monckton rangt fyrir sér. Griffith setur upp glærusýningu þar sem er mjög þægilegt að fylgjast með röksemdum hans sem og gögnunum sem hann setur þar fram.
Hægt er að nálgast glærusýningu Griffith á heimsíðunni hans Fool Me Once, í færslunni (gott er að gefa glærusýningunni eitt augnablik til að hlaðast upp, síðan á þetta að ganga nokkuð smurt):
Tengdar færslur á loftslag.is