Hafísútbreiðslan á Norðuskautinu í desembermánuði 2010 var sú minnsta fyrir desembermánuð síðan gervihnattamælingar hófust. Þessi litla útbreiðsla hafíssins er talin hafa haft áhrif á myndun hins sterka neikvæða fasa í hinni svokölluðu Norðuratlantshafssveiflu (NAO), svipað og gerðist veturinn 2009-2010 – nánar má lesa um NAO o.fl. því tengt hjá Einari Sveinbjörnssyni: Samtíningur um sérkennilegt tíðarfarið

Hafísútbreiðslan í desembermánuði 2010 var 12 miljón ferkílómetrar. Þetta er minnsta útbreiðsla hafís fyrir desembermánuð síðan gervihnattamælingar hófust árið 1979.

Hin litla útbreiðsla hafís í desember gerðist samhliða því að lofthiti var hærri en í meðallagi á svæðum þar sem hafís myndast venjulega á þessum tíma árs. Lofthiti yfir Austur-Síberíu var 6-10 gráðum celsíus yfir meðal desembermánuð. Í austurhluta Kanada var hitastig minnsta kosti 6 gráðum celsíus yfir meðaltali og sum staðar (t.d. Baffin Island) um 10 gráðum celsíus yfir meðaltali. Hins vegar var hitastig yfir svæðinu á milli Alaska og Yúkon, norðurhluta mið Evrasíu og í Skandinavíu um 7-13 gráðum undir meðaltalinu fyrir mánuðinn.

Enn og aftur má sjá að desember 2010 var með minnstu útbreiðslu hafíss fyrir mánuðinn frá því gervihnattamælingar hófust.

Svipað og í desember 2009, þá var sterkur neikvæður fasi í hinni svokölluðu Norðuratlantshafssveiflu (NAO), sem reði ríkjum á svæðum á norður hálfkúlunni í desember 2010 og olli hærri þrýstingi yfir svæðum við Norðurskautið og lægri þrýsting við lægri breiddargráður.

Hér í lokin er svo stutt myndband úr smiðju Greenman3610 (Peter Sinclair) þar sem komið er inn á hitadreifinguna í desember sem minnst er á hér að ofan:

Heimildir:

• NSIDC.org – hafísinn desember 2010
• Myndirnar eru af heimasíðu NSIDC
• Samtíningur um sérkennilegt tíðarfarið
• Global Warming. Winter Weirding.

Tengt efni á loftslag.is:

• Hafísinn í nóvember – næst minnsta útbreiðsla fyrir mánuðinn
• NOAA – ástand Norðurskautsins 2010
• Sigling um bæði Norðaustu- og Norðvesturleiðina á sama sumri heppnaðist
• Íshafsbráðnun og siglingaleiðir
• Spár um lágmarksútbreiðslu hafíss i ár
• Tag – Hafís
• Ísbirnir við hnignandi hafís
• Er hafís Norðurskautsins að jafna sig?

Athugasemdir

ummæli