Samkvæmt nýrri rannsókn (Fu o.fl. 2013) þá er að lengjast tímabil þurrka í suðurhluta Amazon frumskógarins. Þurrkatímabilið stendur nú yfir í um þrjár vikur lengur en það gerði fyrir 30 árum síðan – sem eykur hættu á skógareldum og skógardauða.
Þegar þurrkarnir miklu voru árin 2005 og 2010, þá mátti sjá með gervihnöttum minnkandi gróður á stórum landsvæðum í suður Amazon (appelsínugul og rauð svæði).Mynd frá Ranga Myneni, Jian Bi and NASA.
Niðurstöður þessarar rannsóknar eru á skjön við þá niðurstöðu sem nýlega kom frá IPCC, en þar er reiknað með að þurrkatímabilið muni lengjast um aðeins 10 daga eða minna fram til ársins 2100. Líklegasta skýringin, fyrir þessum lengri tíma þurrka, telja höfundar vera hin hnattræna hlýnun.
Samkvæmt skýrslu IPCC er því spáð ennfremur að vætutíð framtíðar verði blautari. Það er þó ekki talið gagnast frumskógum því frumskógarjarðvegur nær eingöngu ákveðnu rakastigi, þrátt fyrir mikla úrkomu, sem þornar þegar tímabil þurrka skellur á. Því er mikilvægt fyrir frumskóginn að vatn bætist sífellt við, því annars minnkar vöxtur og hættan á skógareldum eykst.
Árið 2005, þegar miklir þurrkar voru á Amazon svæðinu, þá gaf frumskógurinn frá sér mikið magn af CO2 í stað þess að binda það, eins og skógum er von og vísa. Ef slíkt endurtekur sig trekk í trekk, þá má segja að farið sé yfir ákveðinn vendipunkt og að magnandi svörun sé komin af stað.
Heimildir og ítarefni
Sjá nánar á heimasíðu háskólans í Texas: Risk of Amazon Rainforest Dieback is Higher Than IPCC Projects
Greinina má lesa á heimasíðu PNAS, Fu o.fl. 2013: Increased dry-season length over southern Amazonia in recent decades and its implication for future climate projection
Tengt efni á loftslag.is
- IPCC 2013 – skýrsla vinnuhóps 1
- El Nino og loftslagsbreytingar út þessa öld
- Líkur á öfgum í hita hafa aukist með hnattrænni hlýnun
- Hjólastóllinn – ný heildarmynd
- Öfgar í veðri – líkurnar aukast
sending...
Rólegir, það er ekkert að hlýna á Jörðinni, þvert á mót fer kólnandi.
Ég hef meiri áhyggjur af því að ofureldgos gæti kælt Jörðina um nokkrar gráður, sem yrði hrikalegt.
Ein slík eldstöð í Yellow-stone þjóðgarðinum gýs á ca. 600.000 ára fresti, og er hún kominn fram yfir þann tíma, svo allt getur gerst.
Slíkt ofurgos myndi leggja bróurpart Bandaríkjanna undir meters þykkt öskulag, auk þess að matvælaframleiðsla í heiminum myndi hrynja. Þar að auki myndi Jörðin kólna um nokkrar gráður, þ.e. meðal lofthiti Jarðar: http://www.youtube.com/watch?v=N8GjoyLHqK8
Verði þetta raunin, þá þurfum við ekki að hafa áhyggjur af hlýnum Jarðar næstu árutugina, ef ekki aldrinar.
Og til að sýna enn frekar að ég hræðist eitthvað allt annað en hlýnun Jarðar, þá hef ég líka miklar áhyggur að því að lofsteinn hitti Jörðina, sem er nokkuð líklegt.
http://www.youtube.com/watch?v=OGbgt5bN-g0
Slíkt gæti þýtt endalok siðmenningarinnar eins og við þekkjum hana nú í dag.
Líkurnar á þessu eru nokkrar, og verði þetta að veruleika, munu loftslagsmál nútíma vera hjóm eitt við hliðina á þessu.
Einhverjar dómsdagsspár um loftsteina og eldgos er ekki það sem er rætt hér Eggert.
Eggert, ef þetta er rétt hjá þér að það sé að kólna, geturðu þá kannski útskýrt þessa frétt?
http://www.theguardian.com/environment/2013/nov/13/un-2013-seventh-warmest-year-records