Tag: Leiðarvísir

Fyrir skömmu kom út leiðarvísirinn Efasemdir um hnattræna hlýnun – Hinn vísindalegi leiðarvísir. Hér er einn kafli hans.

Merkjanleg áhrif mannkyns á loftslag

Vísindamenn skoða mismunandi vísbendingar sem benda þó á samkvæman hátt til einnar niðurstöðu. Saman tekið benda gögn loftslagsvísindanna til þess að athafnir mannkyns hafi á ýmsa vegu þegar breytt loftslagi á merkjanlegan hátt. Mælingar víða um heim sýna aukningu koltvíoxíðs (CO2) í lofthjúpnum. Mælingar á samsætum þess kolefnis sem finnst í lofthjúpnum sýna að brennsla jarðefnaeldsneytis veldur mikilli aukningu á styrk koltvíoxíðs (C02) í lofthjúpnum.

Gervihnatta- og yfirborðsmælingar sýna að aukinn styrkur CO2 gleypir varma sem myndi annars sleppa út í geim. Hlýnunin ber margskonar einkenni sem eru í samræmi við það sem búast má við vegna aukinna gróðurhúsaáhrifa. Uppbygging lofthjúpsins er að breytast. Til grundvallar þeirri staðhæfingu að það séu athafnir mannkyns sem valda hlýnun jarðar liggja ekki aðeinsfræðileg rök og líkanreikningar, heldur einnig margskonar óháðar mælingar á breytingum á náttúrufari.

Við kíkjum á næsta kafla af Efasemdir um hnattræna hlýnun – Hinn vísindalegi leiðarvísir á morgun.

Heimildir og ítarefni

1. Jones o.fl. 2003 (ágrip): Causes of atmospheric temperature change 1960-2000: A combined attribution analysis.

2. Laštovi o.fl. 2006: Global Change in the Upper Atmosphere.

3. Santer o.fl. 2003: Contributions of Anthropogenic and Natural Forcing to Recent Tropopause Height Changes.

4. Harries o.fl. (2001: Increases in greenhouse forcing inferred from the outgoing longwave radiation spectra of the Earth in 1970 and 1997.

5. Manning og Keeling 2006: Global oceanic and land biotic carbon sinks from the Scripps atmospheric oxygen flask sampling network.

6. Alexander o.fl. 2006: Global observed changes in daily climate extremes of temperature and precipitation.

7. Braganza o.fl. 2003:Indices of global climate variability and change: Part I—Variability and correlation structure.

8. Evans og Puckrin 2006 (ágrip): Measurements of the Radiative Surface Forcing of Climate.

9. Wei o.fl. 2009:  Evidence for ocean acidification in the Great Barrier Reef of Australia.

10. Barnett o.fl. 2005: Penetration of Human-Induced Warming into the World’s Oceans.

Tengt efni á loftslag.is

• Efasemdir um hnattræna hlýnun – Hinn vísindalegi leiðarvísir
• Breytingar á loftslagi af mannavöldum á einni mynd
• Fingrafar mannkynsins á hnattrænu hlýnunina

 

Við á loftslag.is erum stoltir að kynna nýjustu afurðina í samstarfi loftslag.is og Skeptical Science. Það er leiðarvísirinn Efasemdir um hnattræna hlýnun – Hinn vísindalegi leiðarvísir, sem er íslensk þýðing á  The Scientific Guide to Global Warming Skepticism sem John Cook og félagar á Skeptical Science tóku saman.

Við ritstjórar á loftslag.is byrjuðum á þýðingunni einhvern tíma í febrúar á þessu ári og því hefur það tekið langan tíma að þýða leiðarvísirinn. Með dyggri aðstoð góðra manna þá tókst það að lokum og við viljum sérstaklega þakka þeim Halldóri Björnssyni og Emil H Valgeirssyni sem lásu yfir textann og bættu málfar og orðaval.

Á næstu vikum má búast við að eitthvað af efni þessa leiðarvísis birtist hér á loftslag.is, en einnig má hlaða niður pdf skjali af leiðarvísinum hér í heild, með því að smella á myndina hér til hægri.

Við skulum byrja á einum kafla hans.

Hvað er efahyggja?

Vísindalegur efi er heilbrigður. Vísindleg nálgun er grundvölluð á efa. Eitt einkenni heilbrigðrar efahyggju er að vega og meta sönnunargögnin í heild sinni áður en komist er að niðurstöðu. Annað er upp á teningnum þegar rök efasemdamanna um loftslagsbreytingar eru skoðuð. Oft á tíðum velja þeir úr þau gögn sem styðja fyrirfram gefna niðurstöðu, en líta framhjá þeim gögnum sem falla ekki að henni. Þetta telst ekki til efasemda, heldur nefnist það að hundsa vísindi og staðreyndir.

Þessi leiðarvísir sýnir gögn sem benda til þess að athafnir manna valdi hnattrænni hlýnun. Einnig er skoðað hvernig mótbárur efasemdamanna um loftslagsbreytingar gefa villandi mynd með því að sýna einungis sérvalin brot af heildarmyndinni.

Við kíkjum á næsta kafla af Efasemdir um hnattræna hlýnun – Hinn vísindalegi leiðarvísir á morgun.

Ítarefni

Sjá ýmsar útgáfur á leiðarvísinum á Skeptical Science: Scientific Guide to Global Warming Skepticism

Bloggfærsla um íslensku útgáfuna má finna hér: Icelandic translation of The Scientific Guide to Global Warming Skepticism