Helstu atriðið varðandi hitastig júnímánaðar á heimsvísu
- Sameinað hitastig fyrir bæði land og haf fyrir júní 2010 var það heitasta samkvæmt skráningum, með hitafráviki upp á 0,68°C yfir meðalhitastigi 20. aldarinnar (15,5°C). Fyrra met fyrir júnímánuð var sett árið 2005.
- Júní 2010 var fjórði mánuðurinn í röð sem náði því að vera heitastur samkvæmt skráningum (mars, apríl og maí 2010 voru það einnig). Þetta var 304. mánuðurinn í röð sem nær hitastigi yfir meðalhitastig 20. aldar. Síðast þegar hitastig mánaðar var undir meðalhitastiginu var í febrúar 1985.
- Hitastig á landi á heimsvísu fyrir júnímánuð 2010 var það heitasta samkvæmt skáningum, með hitafrávik upp á 1,07°C yfir meðaltali 20. aldar.
- Fyrir 3. mánaða tímabilið apríl-júní 2010, var sameinað hitastig fyrir land og haf og einungis landhitastigið það heitasta fyrir tímabilið. 3. mánaða tímabilið (apr.-jún) var einnig það næst heitasta þegar hitastig hafsins er einungis tekið, á eftir sama tímabili 1998.
- Þetta var heitasti júní og tímabilið apríl-júní fyrir Norðurhvelið í heild og fyrir landssvæði á Norðurhvelinu samkvæmt skráningu.
- Sameinað hitastig fyrir bæði land og haf fyrir tímabilið janúar til júní 2010 var það heitasta samkvæmt skráningum. Hitastigið fyrir janúar til júní fyrir landssvæðin var það næst heitasta, á eftir 2007. Hitastig hafsins var það næst heitasta fyrir tímabilið, á eftir 1998.
- Hitafrávik yfirborðs sjávar (SST – sea surface temperature) í Kyrrahafi hélt áfram að lækka í júní 2010. El Nino ástandið hætti í maí 2010 og samkvæmt Loftslags spámiðstöð NOAA er líklegt að La Nina ástand taki við á Norðurhvelinu sumarið 2010.
Júní 2010
Helstu atriði sýnd á myndum og gröfum, bæði fyrir mánuðinn júní og tímabilið janúar – júní.
Í töflunni hér fyrir neðan má lesa helstu tölur varðandi hitastigsfrávikin fyrir júnímánuð 2010.
| Júní | Frávik | Röð (af 131 ári) |
Heitasti/næst heitasti júní samkv. skrám |
|---|---|---|---|
| Á heimsvísu | |||
| Land | +1,07°C | Heitasti | 2005 (+0,95°C) |
| Haf | +0,54°C | 4. heitasti | 1998 (+0,58°C) |
| Land og haf | +0,68°C | Heitasti | 2005 (+0,66°C) |
| Norðuhvel jarðar | |||
| Land | +1,22°C | Heitasti | 2006 (+1,11°C) |
| Haf | +0,54°C | 4. heitasti | 2009 (+0,62°C) |
| Land og Haf | +0,79°C | Heitasti | 2006 (+0,73°C) |
| Suðurhvel jarðar | |||
| Land | +0,66°C | 5. heitasti | 2005 (+1,03°C) |
| Haf | +0,55°C | 2. heitasti | 1998 (+0,60°C) |
| Land og Haf | +0,56°C | 4. heitasti | 1998 (+0,63°C) |
Og svo hitafrávikin fyrir tímabilið janúar til júní 2010:
| Janúar- Júní | Frávik | Röð (af 131 árí) |
Heitasta/næst heitasta tímabilið |
|---|---|---|---|
| Á heimsvísu | |||
| Land | +1,07°C | 2. heitasta | 2007 (+1,12°C) |
| Haf | +0,54°C | 2. heitasta | 1998 (+0,56°C) |
| Land og Haf | +0,68°C | Heitasta | 1998 (+0,66°C) |
Í grafinu hérundir má sjá þessi gögn í öðru ljósi:
Og svo að lokum hitafrávikin fyrir tímabilið janúar – júní 2010.
Eins og sést hefur hitastigið það sem af er árinu verið í hæstu hæðum.
sending...
Sæll Sveinn
Ég vil lýsa ánægju minni yfir þennan vandaða upplýsingafræði um loftslag í heiminum og elju ykkar að skýra fyrir öðrum.
Þetta kemur mér ekki á óvart hvernig staðan er í dag því að ég spáði fyrir um miklar sveiflur í veðrinu og að hitamet yrðu slegin.
Það sem þarf að skoða eru breytingar á sporbaug jarðarinnar um 1.2gráður við jarðskjálftana á Haiti og áhrif sólgosanna á hjúp jarðarinnar.
Miklir öfgar verða í lofti og á höfum vegna hlýnunar og nýjustu dæmin eru bara smá sýnishorn m.v. það sem ég hef séð til framtíðar litið.
Takk fyrir hrósið Þór.